CRUCEIROS

Neste ultimo dia do ano, tocou dar unha volta pola zona de Lagoa, para ver se frezaba algunha troita no Ouro.
Entre as cousas que te podes atopar polo camiño destacan a gran cantidade de cruceiros que hai.

A presenza destes elementos é normalmente de orixe devocional, aínda que non faltan os motivos rogativos, de encomio ou de ofrenda como causas da súa construción. Esta estaba financiada por algunha persoa que pretendía gañarse o seu indulto ou o da súa parroquia ante os ollos de Deus; ofrecendo a construción como voto para pedir a curación de enfermidades ou protección ante unha situación perigosa. Coa mesma finalidade de protección levántanse cruceiros en campos dedicados ao mercado ou nun lugares onde ocorreu algún acto violento para evitar que a alma errante das vítimas poida danar aos viandantes.