RIO OURO

Un ano mais acábame de chegar a carta de medio ambiente, onde che indican o día e hora para poder escoller os cotos de pesca para a tempada que vén.
Mirando o cuadrante onde se reflexan os cotos dos rios desta provincia, observo unha gran novidade para este ano proximo que me congratula. "O lote 1 do coto de Foz pasa a ser sen morte".
Non é que sexa o tipo de rio que me gusta pescar, pois moitas veces é bastante desagradable estar alí, pero ter cravada unha das súas troitas ou reos, é unha gran experiencia.
Para mostra rebuscando por youtube atopei estes vídeos realizados no citado lote.

NEVE

Chegou a neve. Aínda que nesta zona de Lugo é moi raro que neve pois estamos a nivel do mar, de vez en cando se dás a volta e miras cara aos montes do Cadramón, a paisaxe pode cambiar.

Pedazo de xeada a desta mañá. Facía ben anos que non veia tal cantidade de xeo. Desde que vivo aquí paréceme que é a primeira vez. Os recordos de cando vivín en Lugo volveron hoxe á miña memoria

TIC TAC TIC TAC

Moitas veces non fai falta ir moi lonxe para atoparte con cousas curiosas.

A escasos 500 metros de onde vivo, atópase esta pequena capela á que chaman de Lousada, na que se atopa este curioso reloxo de sol.

Aconsellable achegarse polas boas vistas que hai desde o alto onde se atopa esta capela